நெல்லியாளம் நகராட்சி தூய்மை பணியாளர்களுக்கு ஆல் தி சில்ரன் சார்பில் புத்தாடைகள், பட்டாசு மற்றும் மரக்கன்றுகள் வழங்கப்பட்டது நகராட்சி அலுவலகத்தில் நடைபெற்ற நிகழ்ச்சிக்கு துப்புரவு ஆய்வாளர் அறிவழகன் தலைமை தாங்கினார்.
நகராட்சி தூய்மை பணி மேற்பார்வையாளர் கார்த்திக், மகாத்மா காந்தி பொது சேவை மைய தலைவர் நௌசாத் ஆகியோர் முன்னிலை வகித்தனர். நகராட்சி துணை தலைவர் நாகராஜ், கூடலூர் நுகர்வோர் பாதுகாப்பு மைய செயலாளர் சிவசுப்பிரமணியம், ஆல் தி சில்ரன் மாவட்ட ஒருங்கிணைப்பாளர் அஜித் ஆகியோர் பணியாளர்களுக்கு புத்தாடைகள், பட்டாசு மற்றும் மரக்கன்றுகளை வழங்கினார்கள். இதே போன்று தேவாலா வாழகொல்லி மற்றும் நெல்லிகண்டி பழங்குடியின கிராமத்தில் ஆல் தி சில்ரன் அமைப்பு மூலம் புத்தாடைகள் வழங்கப்பட்டது. புத்தாடைகள் பட்டாசுகள் மற்றும் மரக்கன்றுகள் வழங்கும் நிகழ்ச்சி நடைபெற்றது.
இந்த நிகழ்ச்சிக்கு வன சரகர் சஞ்சீவி தலைமையில் வனவர் சுரேஷ்குமார், கூடலூர் நுகர்வோர் மனிதவள சுற்றுச்சூழல் பாதுகாப்பு மைய செயலாளர் சிவசுப்பிரமணியம், ஆல் த சில்ரன் மாவட்ட ஒருங்கிணைப்பாளர் அஜித் உள்ளிட்டோர் பழங்குடியினர்களுக்கு புத்தாடை, பசுமை பட்டாசு, மற்றும் மரக்கன்றுகளை வழங்கினார். நிகழ்ச்சியில் பழங்குடியினர் பலர் பங்கேற்றனர். தொடர்ந்து நெல்லிகண்டி பழங்குடியினர் கிராமத்தில் ஆல் தி சில்ரன் அமைப்பு மூலம் புத்தாடைகள் வழங்கப்பட்டது.
No comments:
Post a Comment